Buresboahtin INEIT-MUCON fierpmádaga websiidui (Innovation for Education in Information Technology through Multimedia and Communication Networks)

Choose your language / Choisissez votre langue / Elektu vian lingvon

Ulbmilat: INEIT-MUCON temáhtalaš fierpmádaga máilmmeviidosaš ulbmil lea plánet, ovddidit ja viiddidit universitehtadásat web-vuđot kurssaid šleađga- ja dihtorteknihkas sihke háleštit daid beaktilvuođas skuvlema veahkkin. Vuođđojurddan lea buvttadit pedagogalaš kurssaid ja čilget daid nu ahte ovdamearkkat váldojuvvojit čuovvu fáttáin:

Organisašuvdna: Dán prográmma lea plánen ja ollašuhttán Eurohpa šleađga- ja dihtorteknihka skuvlensearvi (European Association for Education in Electrical and Information Engineering, EAEEIE). INEIT-MUCON-prošektii leat oassálastán sullii 50 universitehtainstitušuvnna olles Eurohpas. Dát institušuvnnat ja Eurohpa Kommiššuvdna leat ruhtadan dán barggu SOCRATES Temáhtalaš fierpmádagaid prográmma olis.

Bohtosat: Dán prošeavttas lea fálmmaštahttojuvvon guhtta TN-oahpahuspáhka. Eatnat Eurohpa universitehtaid logaldallit leat bargagoahtán čavga ovttas, ja dán oktasašbarggu geahččalit joatkit boahtteáiggis. Universitehtaid akademalaš olbmot leat láiden TN-oahpahuspáhkaid fálmmašteami, ja daid vejolaš loahppageavaheaddjit, studeanttat, leat muhtin muddui vástidan daid ollašuhttimis. Dát lea dávjá dáhpáhuvvan studeantalonuhanprográmmaid vehkiin. Eanas TN-oahpahuspáhkat leat ollašuhttojuvvon eanet go ovtta gillii, mii buorida daid viiddidanvejolašvuođaid máhggagielat birrasis. Dát oahppamateriála lea gávdnamis EAEEIE:a websiiddus, ja dan ožžot geavahit nuvttá buot institušuvnnat, akademalaš bargit ja studeanttat. Buot INEIT-MUCON oktasašbargoguoimmit ávžžuhit dán suorggi oahppiid ja áššedovdiid geahavit TN-oahpahuspáhkaid ja muitalit iežaset vásáhusain (dán ulbmila várás lea ráhkaduvvon jearaldatskovvi), vai lea vejolaš buoridit páhkaid šlája ja viggat oažžut oktasaš eurohpalaš oahpahusplána šleađga- ja dihtorteknihkas.

Jos spoahkkalat dás, oaččut kártta mas oainnát daid oktasašbargoguimmiid sajádaga, geain lea leamaš stuorimus vástu temáhtalaš fierpmádaga oahpahuspáhkaid ovddideamis.